Iwas pa rin si Kyline Alcantara na pag-usapan ang totoong estado nila ng rumored boyfriend na si Kobe Paras, sa kabila ng mga naglalabasang videos at photos kung saan very sweet sila sa isa’t isa.
“Okay lang naman po kami,” matipid na sagot ng Kapuso actress nang kinumusta ng PEP.ph (Philippine Entertainment Portal) tungkol sa kanila ni Kobe.
Sila na ba?
“Oh, grabe naman. Nasa Landers event tayo,” iwas ni Kyline.
Kumusta silang dalawa na laging spotted na magkasama?
“Umiikot talaga dun. Umiikot dun ang iyong mga katanungan.
“Okay naman kami. And let’s just put it that way,” maingat na sabi ng Kapuso actress.
Eksklusibong nakausap ng PEP.ph si Kyline sa Landers 8th Anniversary Shop & Win grand draw na ginanap sa Arca South branch, Taguig City, kahapon, January 20, 2025.
Kasama ni Kyline na dumalo sa event ang kapwa niya Kapuso ambassadors na sina Derrick Monasterio, Kristoffer Martin, at Royce Cabrera.
Kyline Alcantara (second from left) with Derrick Monasterio, Kristoffer Martin, and Royce Cabrera at Landers 8th anniversary event
KYLINE ALCANTARA ON HER SHORT HAIR
Maganda ang pagtatapos ng 2024 at ang pagpasok ng 2025 kay Kyline
“Sana mas gumanda pa this year. I can’t wait to experience life,” wish niya.
Ayon pa sa aktres, mayroon na silang pinaghahandaang bagong teleserye.
Saad ni Kyline, “Please wait for 2025 because may pinaghahandaan na bagong teleserye na ating gagawin.”
Pero hindi pa raw siya makapagbibigay ng detalye tungkol dito.
Mukha namang happy si Kyline sa kanyang karera.
Ano pa ang bagong aabangan sa kanya.
Biro niya, “Ang bago sa akin, uhm… ano ba bago sa akin?
“Parang wala namang bago sa akin. Siguro, ito, short hair.
“Oo, yun. Siguro yun yung bago sa akin.”
Samantala, suportado ni Kyline ang activities ng Landers.
Aniya, “Well, ever since I’ve been doing events for them, matagal na, sobrang tagal na.
“So I know what’s in here, what’s in Landers, and kung gaano ka-easy yung nabibigay sa buhay nating lahat.”
Sa kabilang banda, sinabi naman ni Kenneth Ocampo, Landers vice president for marketing & membership, na isang mamahaling SUV ang grand prize sa kanilang event.
Saad niya, “Today is our culminating of our 8th year anniversary so we can be finally drawing the lucky winner of the Porsche 911 Carrera S.”
Kenneth Ocampo, Landers vice president for marketing & membership (left) and the Porsche 911 Carrera S (right)
Hosts ng programa sina Shaina Magdayao at Billy Crawford.
