May bagong pasaring si Ai-Ai delas Alas sa binansagan niyang “cheater.”
Sa kanyang verified Facebook kahapon, January 31, 2025, nagpahiwatig si Ai-Ai sa pamamagitan ng isang photo message na bumili umano ng singsing si “cheater.”
Baka may balak na raw ang “cheater” mag-propose sa kasalukuyan nitong girlfriend.
Kahit hindi pa naman daw ito divorced sa kanyang “wifey.”
Buong mensahe sa photo message:
“SI CHEATER BUMILI NG RING ? AY WOW PANG ENGAGED NA? HUH DIVORCE NA BA SILA NI WIFEY? NYEK HINDI PA NO!”
Caption ni Ai-Ai sa kanyang post (publshed as is), “Sabi ng mga soldiers … Sana OL .. pagkaksyahin ko sa leeg nya”
Kahit hindi direktang tinumbok at pinangalanan ni Ai-Ai ang kanyang mala-blind item na post, mahihinuhang ang kanyang tinutukoy ay walang iba kundi ang estranged husband na si Gerald Sibayan.
Payo ng netizens na nagkomento sa kanyang post, huwag daw niyang pirmahan ang divorce papers nila para hindi makapagpakasal si Gerald sa iba.
AI-AI delas alas: “Masakit nang kaunti pero…”
Base sa mga nauna at bagong posts ni Ai-Ai, may karelasyong iba si Gerald kaya nagdesisyon itong makipaghiwalay sa aktres.
Unang ipinahiwatig ni Ai-Ai na may third party sa hiwalayan nila ni Gerald noong January 21.
Ikinagulat daw niya na ang third party ay isa ring Pilipina.
Sa kanyang verified Facebook at Instagram account, unang nag-post si Ai-Ai ng isang makahulugang quote tungkol sa “cheater.”
Nakalagay dito: “NO WOMAN COULD LOVE A CHEATER AND NOT PAY THE PRICE OF IT”
Sa caption, binanggit ni Ai-Ai ang mga petsa at lugar sa Amerika kung saan namataan umano ang “cheater” at ang “mistress” nitong “Pilipina.”
Ayon pa kay Ai-Ai, “puro filipino establishments” sa California ang mga lugar kung saan spotted ang mga hindi niya tinukoy na mga tao.
Sabi ng komedyana sa caption (published as is): “Hahaha ang Balita nga naman kahit akoy nana himik bongga!! Take note si mistress ay PILIPINA
“MARCH 2024 …. Gerrys Grill si mistress naka hilig pa yung ulo sa balikat ni Cheater ( wow sweet )
“JUNE 2024 … malapit sa jollibee ( malapit sa fremont yesss iba din malapit pa bahay namin ahhhh) holding hands si cheater and si mistress ( wow sweet ulit)
“Lalakas ng loob ahhh puro filipino establishments at california IDOL!!! GOAT!( greatest of all time )”
Ang “Fremont” ay isang siyudad sa San Francisco, California.
Sa eksklusibong panayam ng Cabinet Files sa aktres noong January 22, 2025, sinabi nitong mixed emotions ang nararamdaman ni Ai-Ai sa mga balitang nakararating sa kanya tungkol sa pagtataksil ni Gerald.
“Masakit nang kaunti pero masaya ako dahil valid pala ang lahat ng mga nararamdaman ko tungkol kay Gerald, hindi tamang hinala lang.
“Hindi ako nagha-hallucinate.”
