Mga bida rito sina Candy Veloso at Angelica Hart, at sa panayam sa dalawa, sinabi nilang hindi na sila naalangan sa mga intimate scenes nila kahit pareho silang babae.
Lahad ni Angelica, “Opo, actually hindi na nga po nila kami tinanong e, dire-diretso na kami e, opo, hanggang sa mag-cut na lang.”
Sinegundahan ito ni Candy na sinabing, “Iyon nga yung parang… compared sa iba, may connection kang makikita.”
Pagpapatuloy pa ni Angelica, “Kasi before kami mag-shoot, nag-bonding kami nito, e.
“Hindi pa kami magkakilala nun, nung time na nag-ano, hindi pa kami nagkakasama, oo, tapos nag-bonding kami. After namin mag-bonding…”
“Wala na kaming pake,” ang tumatawang mabilis na singit ni Candy.
candy, angelica bond before ‘pin/ya’ shoot
Paano silang nag-bonding?
“Secret,” at tumawa si Candy.
Malaswang bonding ba ginawa nila?
“Ay, hindi!!!” bulalas ni Angelica.
“Kumain lang kami,” ang tumatawa pa ring pakli ni Candy.
Pahabol naman ni Angelica, “Nagkainan kami. Hahaha! Diyan lang sa Timog.”
CANDY, angelica ADMIT GIRL CRUSHES
Dahil sa sobrang pagka-kumportable nila sa proyektong babae-sa-babae, may pagkakataon bang kinuwestiyon na nila ang gender nila?
Inamin ito ni Candy, “Opo, may mga times na, ‘Hala, iba na ‘tong nararamdaman ko!’
“Kinikilig na ako, nagagandahan na ako.”
Sabat ni Candy, ‘Pero at the end of the day, wala, alam ko pa ding straight ako. So medyo parang sa pagdyi-GL mas nakaka-appreciate lang talaga ako ng kapwa ko babae.
“Naa-appreciate ko yung ganda nila, yung kaseksihan nila, but not to the point na willing akong mag-commit sa same gender. Never pa.”
Tawa naman nang tawa si Angelica, “Naku, yari yung tanong! May experience pero kasi mahilig ako sa magandang babae, e.
“Pag nakakakita ako ng magandang babae naa-attract talaga ako, pero not to the point nga na makikipagrelasyon ako.
“Kasi tapos na ako siguro sa babae, kasi niloko din ako ng last ano ko na girl, e.
“So feeling ko pare-pareho lang, so dun na lang ako sa mas happy yung feeling.”
Karelasyong babae ang tinutukoy niyang niloko siya.
“Yes,” bulalas ni Angelica, “yung naging karelasyon kong girl.”
So bisexual ba si Angelica?
Aniya, “Hindi…iyon yun, curious, ngayon curious ako, curious ako ngayon kung ano yung gender ko kasi na-a-attract talaga ako sa girl.
“Pero, ayun, mas naa-attract pa rin ako sa boys.”
Tinanong namin si Angelica kung sinong celebrity ang girl crush niya?
“Cristine Reyes, sobra po,” bulalas ni Angelica.
”Kasi may istorya iyan dati, nakita ko siyang naka-sports car na red, tapos, parang bata pa ko nun, tapos nakita ko siya.
“Sabi ko siya yung gusto kong maging, hanggang sa yun na, siya na yung idol ko since then.”
CANDY FANGIRLS OVER MARIAN RIVERA
Maging si Candy ay may crush na babae, “Ako naman po si Ms. Marian Rivera.
“Parang pag nakikita ko talaga siya parang, ‘Oo na, sige na Lord kunin mo na ko,’ ganun,” at tumawa si Candy.
Nakita na raw ni Candy sa personal ang GMA Primetime Queen, “Oo, sobrang…”
Nakausap niya si Marian?
“Hindi naman po.”
Kapag nakausap ni Candy si Marian ano’ng sasabihin niya dito?
“Ma’am, mahal na mahal kita Ma’am,” ang tumatawang reaksyon ni Candy. “’Ma’am, pa-kiss!’
“Ganun ko siya ka-crush, kasi para siyang may sariling ring light, promise, may sariling ilaw, parang buhat-buhat niya yung Meralco, ganun siya!”
Sa direksyon ni Omar Deroca, nasa Pin/Ya rin sina Julianne Richard at Gboy Pablo at available na ito for streaming.
